A moción aprobada acorda firmar un convenio no que ambas partes subscriben rehabilitar a antiga factoría. Non obstante Concello e Zona Franca fixaron que os termos da operación serán consensuados nunha negociación entre ambas partes. É dicir, non se partirá con todo decidido de anteman, senón que se abrirá o proceso para levar adiante o proxecto.

Ademais, no pleno aprobáronse outras dous mocións que levou o alcalde para desbloquear a ampliación do polígono industrial de Balaídos e do Parque Tecnolóxico de Valadares. Zona Franca asumirá o desenrolo das dous actuacións mediante un proxecto sectorial da Xunta.

Fonte: http://www.farodevigo.es/gran-vigo/2016/09/12/zona-franca-concello-lanzan-proceso/1531974.html

O Tribunal Supremo anula o Plan xeral de Vigo sete anos despois da súa entrada en vigor, unha sentenza que deixa en suspenso a legalidade das licenzas concedidas durante todos estes anos e paralizando a concesión de novas até que se legalice o novo documento. O Supremo considera que a Xunta incumpríu o trámite de avaliación ambiental e declara “radicalmente nulo” o documento. Con esta decisión, o TS tomba a resolución do Tribunal superior de Xustiza de Galiza que si que avalara o procedemento perante o recurso presentado por ‘Alternativa veciñal‘.

O Supremo considera que a deficiencia no procedemento implica que os acordos de aprobación do PXOM deben declararse “radicalmente nulos”. Fican no ar proxectos como a ampliación de Balaídos ou o do Barrio do Cura, entre outros.

Este PXOM de Vigo resistira case un centenar de sentenzas xudiciais, que sempre lle foran favorábeis.Entre outras cuestións, o plan establecía que a vivenda protexida pasaría de ser un 22% a ser un 43% do total das novas edificacións, e recibira case 60.000 alegacións.

A Xunta déralle o visto e prace ao plan en 2008, con María Xosé Caride á fronte da Consellería de Política Territorial. A socialista é agora concelleira no grupo de goberno de Abel Caballero. A aprobación definitiva producíase un ano despois, xa con Agustín Hernández á fonte do departamento.

Fonte: http://www.sermosgaliza.gal/articulo/galiza/tribunal-supremo-tomba-pxom-vigo-seta-anos-despois-da-sua-entrada-vigor/20151201100032042864.html

O futuro da Panificadora ocupa a atención de arquitectos de todo o mundo. O concurso lanzado en outubro pola revista internacional Future, no que retaba a idear proxectos para a antiga fábrica de pan e fariñas, recibiu 78 formulacións procedentes de Asia, Sudamérica ou Europa do Leste.

Por obra e graza da revista de arquitectura Future a Panificadora ten, desde agora, 78 posibles “reencarnaciones”. O concurso lanzado en outubro pola prestixiosa publicación internacional, na que convidaba a imaxinar usos para a antiga fábrica de pan e fariñas, pechouse o 22 de novembro con 78 proxectos chegados de todo o mundo. Un xurado español seleccionará agora as dez propostas máis atractivas; de entre elas expertos internacionais escollerán o 12 de decembro aos gañadores, mencións e finalistas.

Jesús Irisarri, profesor dos Proxectos Arquitectónicos ETSAC e parte do xurado nacional, destacaba onte o número “bestial” de proxectos que se presentaron ao concurso e a “sorprendente” diversidade da súa procedencia. Arquitectos de Asia, Sudamérica ou Europa do Leste -ademais de España- responderon o reto lanzado por Future. Outra característica común dos concursantes é a súa mocidade, xa que o certame fixa que os participantes non poden ter máis de 35 anos.

As ideas expostas concilian o aproveitamento público e residencial da Panificadora. Un aspecto que Irisarri destaca e explica recorrendo á imaxe dunha “terceira vía” na que ambos os usos non son excluíntes. “É unha opción, veremos se resulta viable”, anota o profesor, quen recoñece que o gran atractivo do concurso é que abre e incentiva a reflexión. “Traballan nun ámbito académico, sen ter que aterse ás normativas”, engade Irisarri.

A Panificadora olívica non é o único espazo que participa do concurso de Future. A revista tamén abriu unha segunda convocatoria -dentro do mesmo certame- que ten como protagonista a cidade de Harbín, na provincia chinesa de Heilongjiang. As bases, calendario e selección son iguais ao que se centra no edificio de Vigo.

FONTE: http://www.farodevigo.es/gran-vigo/2013/12/01/78-vidas-panificadora/924495.html