A moción aprobada acorda firmar un convenio no que ambas partes subscriben rehabilitar a antiga factoría. Non obstante Concello e Zona Franca fixaron que os termos da operación serán consensuados nunha negociación entre ambas partes. É dicir, non se partirá con todo decidido de anteman, senón que se abrirá o proceso para levar adiante o proxecto.

Ademais, no pleno aprobáronse outras dous mocións que levou o alcalde para desbloquear a ampliación do polígono industrial de Balaídos e do Parque Tecnolóxico de Valadares. Zona Franca asumirá o desenrolo das dous actuacións mediante un proxecto sectorial da Xunta.

Fonte: http://www.farodevigo.es/gran-vigo/2016/09/12/zona-franca-concello-lanzan-proceso/1531974.html

A Casa de Caridad presentara a demanda ao considerarse afectada pola aprobación do Plano Especial, que afectaba ao inmoble que ocupa a entidade. A sentenza dálle a razón e anula este Plano Especial. A única opción de que o proxecto urbanístico fose adiante pasaría por unha modificación puntual do Plano Especial del Casco Vello, onde agora de novo queda integrado o Barrio do Cura, ou por unha modificación moi importante do propio proxecto, que debería reducir as súas ambicións. En calquera caso non parece que a empresa promotora, Karpin y Asociados, teña un grande interese en continuar unha iniciativa que naceu hai 13 anos. O máis probable que se complete o proceso de poxa das propiedades adquiridas pola promotora, para facer fronte á debeda de 30 millóns de euros que mantén con BBVA e Santander.

Os defensores do proxecto, que fora aprobado por unanimidade no pleno municipal, argumentaban que serviría para unir o Berbés e o Casco Vello coa zona alta da cidade, e incidían no estado de abandono no que se atopa o lugar. Os seus detractores, no entanto, falan de “especulación urbanística” e de “obra innecesaria“. Os responsables do blog Xentrificación Vigo denunciaban hai dous anos que “a súa construción provocaría a revalorización e o aumento do valor das vivendas circundantes, incrementando deste xeito o prezo das vivendas e dos alugueiros no resto da zona vella e, isto, á súa vez, agudizaría o proceso de xentrificación e revalorización das vivendas en toda a zona”.

Fonte: http://praza.gal

O Tribunal Superior de Xustiza de Galicia acaba de tombar o Plan Especial de Reforma Interior (PERI) do Barrio do Cura ao excluir unha parcela da Casa de Caridade de Vigo Fogar San Xosé. O Superior falla así a favor deste colectivo -representado polo despacho de Juan José Yarza- que presentará un recurso contencioso administrativo contra o acordo plenario do 2 de Xuño de 2014 que deu luz verde ao PERI. A consecuencia directa é a anulación de dito plan do Barrio do Cura. Contra a sentencia do Superior cabe recurso ante o Tribunal Supremo.

Os terreos afectados estaban destinados inicialmente a uso recreativo para os menores acollidos no Fogar San Xosé, se ben o PERI contemplaba ali, entre outros destinos o de realoxo. Ante esa circunstancia o colectivo recurriu no que atañe ao seu solar, o acordo do pleno de 2014 que aprobou de forma definitiva o plan especial.

Fonte: http://www.farodevigo.es/gran-vigo/2016/02/02/superior-anula-peri-barrio-do/1396566.html

O Tribunal Supremo anula o Plan xeral de Vigo sete anos despois da súa entrada en vigor, unha sentenza que deixa en suspenso a legalidade das licenzas concedidas durante todos estes anos e paralizando a concesión de novas até que se legalice o novo documento. O Supremo considera que a Xunta incumpríu o trámite de avaliación ambiental e declara “radicalmente nulo” o documento. Con esta decisión, o TS tomba a resolución do Tribunal superior de Xustiza de Galiza que si que avalara o procedemento perante o recurso presentado por ‘Alternativa veciñal‘.

O Supremo considera que a deficiencia no procedemento implica que os acordos de aprobación do PXOM deben declararse “radicalmente nulos”. Fican no ar proxectos como a ampliación de Balaídos ou o do Barrio do Cura, entre outros.

Este PXOM de Vigo resistira case un centenar de sentenzas xudiciais, que sempre lle foran favorábeis.Entre outras cuestións, o plan establecía que a vivenda protexida pasaría de ser un 22% a ser un 43% do total das novas edificacións, e recibira case 60.000 alegacións.

A Xunta déralle o visto e prace ao plan en 2008, con María Xosé Caride á fronte da Consellería de Política Territorial. A socialista é agora concelleira no grupo de goberno de Abel Caballero. A aprobación definitiva producíase un ano despois, xa con Agustín Hernández á fonte do departamento.

Fonte: http://www.sermosgaliza.gal/articulo/galiza/tribunal-supremo-tomba-pxom-vigo-seta-anos-despois-da-sua-entrada-vigor/20151201100032042864.html

Acción reivindicativa no propio parque.

O proxecto implicaba a cesión de 107.000 metros cadrados de espazo público neste espazo verde á devandita Fundación e que iría acompañado de tres circuítos automobilísticos, de uso privado. O acordo fora anunciado o pasado mes de febreiro e provocou unha importante contestación veciñal, especialmente a través da plataforma Salvemos o parque de Bens, cuxos representantes se reuniron este luns co actual alcalde da Coruña. Foi despois desa xuntanza cando Xulio Ferreiro anunciou a paralización da iniciativa, unha decisión que, segundo o goberno local, non implica penalizacións á familia Jove.

“O parque debe dedicarse ao lecer e debe servir para que todos os veciños e veciñas gocen da natureza, xa que nesta cidade non imos sobrados de zonas verdes”, asegurou Ferreiro, que aclara que “o museo non se pode construír na localización proxectada”. “É un terreo rústico protexido e non é posible levantar ese edificio tal e como está presentado nas maquetas”, indicou. Ademais, o goberno local lembra que a posible moidificación que se faría do Plan Xeral sería para converter o parque de Bens en Zona Verde e aumenar así a súa protección.

“A xente ten que decatarse de que existe un gran valor que non estaba o suficientemente promocionado. Temos que levar a cabo diversas actuacións como poñer un bus que chegue directamente ao parque e darlle pulo a ese espazo para que a xente o visite”, insistiu o alcalde.

O goberno da Marea Atlántica coincide coa plataforma Salvemos o parque de Bens en rexeitar a instalación do museo nunha zona coma esta, aínda que non rexeita que se leve a cabo noutra localización dentro do municipio. Este proxecto, cuxo acordo explícito chegou hai tan só uns meses, xorde xa hai seis anos, cando o goberno municipal asinara coa Fundación Jorge Jove un convenio para a construción desta infraestrutura.

Ángel Jove, presidente da Fundación Jorge Jove, definira o Museo como “unha opción de ocio cultural familiar” e o ex alcalde Carlos Negreira falaba del como “un centro de referencia a nivel nacional e internacional” que convertería A Coruña “nun destino de primeiro nivel” e “nun centro de peregrinación para todos os amantes do motor”.

Salvemos o parque de Bens denunciara as intencións do anterior goberno local porque significaba “a práctica destrucción da contorna” ao ocupar o Museo “a totalidade da superficie útil deixar só libre aquelas zonas que debido ás características orográficas ocupan pendentes de difícil asentamento, ou aquelas outras cuxo subsolo corresponde ao antigo vertedeiro e se atopan en proceso de compactación”. “A influencia sobre o contorno, ao incorporar dentro do plan pistas de quads, motos e todoterreos que xerarán entre outros efectos contaminación acústica, converterase nun lastre para o seu futuro adecuamento”, dicía a plataforma, que denunciaba que Negreira lle regalase á familia Jove “un terreo que é de uso e goce dos coruñeses e que representa unha das poucas zonas verdes da cidade”.

A petición para a paralización do Museo da Automoción no parque de Bens logrou xuntar máis de 6.500 sinaturas na plataforma Change.org. Agora, o goberno detén a intención dun proxecto que pouco ten que ver coa intención inicial da zona verde onde se pretendía instalar.

Fonte: http://praza.gal

HISTORIA DO PROXECTO:

No ano 2009, o por entonces alcalde de A Coruña, Javier Losada, asinou un acordo de cesión de 100000m2 do Parque de Bens, para que o empresario local, Jorge Jove, a traves da sua fundación mixta homónima, poidera levantar ali un museo da historia da automoción, esta cesión sería durante un plazo de 75 anos, e despois o parque volveria a ser do concello.

Finalmente o proxecto quedó aparcado, ata que en febreiro do 2015, o actual alcalde de A Coruña, Carlos Negreira, compareció en roda de prensa, para aunciar que retomaba o proxecto do museo do Parque de Bens.

O PROXECTO:

O proxecto consta dun edificio principal, que ocupará gran parte do espacio cedido; o edificio esta proxectado para ter 5 plantas, e una más soterrada, este edificio albergará exposicions, que contarán a historia da automoción, dende a roda, ata los modelos máis actuais, aparte, o edificio contará con cafetería e un taller de caracter privado, onde propietarios de coches antiguos podan acudir a restauralos.

Externamente, construiranse un par de pistas para automoviles, e ata un ¡Heliporto!, o cual xenerará un impacto ambiental en todo o parque, destruindolo practicamente por completo.

¿POR QUE NON HAY QUE CONSTRUILO?:

Primeiramente, por que existen outras localizacions máis axeitadas, e nas que se xeraría menos impacto que no parque de Bens, tal é o caso do antigo CC Dolce Vita o alguno dos numerosos terreos que o constructor posee na sua carteira.

Segundo, o parque é un espazo natural, concevido para o uso e disfrute do publico e dos ciudadans de A Coruña, a construcción do museo chocaría frontalmente cos obxetivos para os que foi concevido, xa que habria que pagar por entrar a el, cosa que agora non.

Terceiro, a construcción do museo nun espazo natural incumple a Ordeanza municipal de proteción contra a contaminación acústica, que situa os límites de inmisión do ruido  nestas zonas a 55 LkAeq5s durante o día. E máis, se temos en conta que as pistas  ubicaríanse xunto a un museo, que se considera incluído nas áreas acústicas de tipo II (uso docente y cultural), o límite baixaría a 50.

Carto,a construción do museo e as pistas  nun espazo natural entra en conflicto cosobxetivos xerais do propio Plan de Ordeación Municipal do 2013, nos que se establece a necesidade de minimizar o impacto das accions humanas sobre o medio ambiente, estimular a creación de espazos verdes de alta calidad, potenciar a peatonalización de espazos, e sobre todo o punto 04.2, plantear unha ciudade sostible: “ han de considerarse os efectos dos novos proxectos tanto en términos do seu rendimento enerxético e impacto no medio ambiente como na  afectación do estilo de vida, patrons de movilidade e comportamento da comunidade, reducindo o impacto mediante estratexias de optimización do uso dos recursos a nosa disposición”

Quinto, o actual gobierno incumple unha vez máis o seu programa electoral, dado que o actual alcalde prometeu no mesmo a creación no Parque de Bens dun centro experimental de produción e máis de investigación de enerxías limpas.

A Cova dos Ratos (a través do nome dunha das súas socias) denunciou ante ás autoridades o grave abandono e detorio no que ten a propiedade ao Barrio do Cura. Este abandono crónico  conlevou que, durante os temporais do outono de 2014,  o esboraemento de boa parte dos perpiaños dunha das súas partes máis belas, valiosas e recoñecidas: o conxunto de vivendas populares dos números 10,11,12 e 13.

O derrube no seu estado no mes de novembro

O estado xeral do conxunto, recoñecido como Ben de Interese Cultural de Galicia no 2006, é lamentable, unha vergoña para a nosa cidade, que demostra cales son auténticos intereses do poder político e económico da nosa sociedade.

Nesta foto (de ECOAR) de fai un ano podese apreciar o abandono dos inmobles e espazo pública ao que está sometido este conxuto.

Dende que a especulación urbanística forzou o despoboamento e abandono deste Barrio e outras zonas incluidas no ” Ámbito de Planeamento Remitido A-4-01″ (cousa odiosa en si mesma) non se teñen feito ningún traballo de consolidación e mantemento destes bens que son patrimonio de todas as galegas.

De tal xeito que todos temos que lamentar o dano (quizais non irreparable, pero si moi custoso e desvirtuador) deste tipico, e ao mesmo tempo senlleiro, conxunto do s XIX que consistia de casas populares que contan cuns interesantes espazos comúns (soportais-pasarela, praziña e lavadoiro).

Na Cova dos Ratos cremos que é evidente que a propiedade (actualmente Valery Karpin & asociados) está a infrixir gravemente a Lei Patrimonio cultural da Comunidade Autónoma de Galicia (en concreto o artigo 91 c) da Lei 8/1995, de 30 de outubre).

Ademáis, a día de hoxe,  tampouco se fixeron ningún traballo de reparación dos danos ou sequera consolidación dos perpiaños que está arredor do derrube, co que é posible que se volten a reproducir feitos semellantes.

Estado a finais de xaneiro do 2015…ainda non se fixo nada para arranxar a desfeita. Propietarios e administracións públicas son responsables xuridicamente deste “segundo abandono” dun Ben de Interese Cultural de Galicia. Foto ECOAR.

As autoridades deberían actuar e sancionar aos responsables. En caso de que este escrito de denuncia non sexa correctamente levado, a Cova dos Ratos continuara a súa denuncia ante os tribunais.

Dende a Cova dos Ratos animamovos a difundir e participar na loita por unha cidade xusta, sostible e fermosa, e contra os prebostes e especuladores que están a convertir o noso pais, e o mundo enteiro, nunha desfeita so apta para ás elites.

O espazo actualmente abandonado, cando ainda tiña xente e vida (foto de “El Pueblo Gallego”, 6-3-1968)

Escrito denuncia

doc 1 anexo denuncia

doc 2 denuncia

O acordo para facer viable a maior operación inmobiliaria do Casco Vello, a transformación do Barrio do Cura, -que inclúe 325 vivendas, unha zona comercial e a apertura de novos espazos públicos-, segue acumulando atrasos, pero ningunha das partes implicadas quere que fracase a negociación agora que o plan urbanístico está aprobado logo de moitos anos de trámites. Os bancos acredores da promotora Valery Karpin & Asociados manteñen a confianza ante as opcións de que o proxecto chegue a bo porto ao estar vivas conversacións con varios inversores. O empresario José Crespo, un dos socios, afirma que se marcou un novo prazo, ata mediados de marzo, para selar un acordo que, segundo asegura, está próximo.

Os bancos, BBVA e Santander, prorrogaron durante o último ano e medio poxas que penden sobre os terreos por impago e que, de executarse, botarían por terra a operación. Unha de poxas incluiría o antigo asilo de Pi e Margall e outras parcelas e bens por un importe superior aos 18 millóns de euros.

A aparición dun grupo inversor ruso da man de Karpin deu fai un ano un gran balón de osíxeno á promotora. Os bancos consideraron que era unha opción fiable e aprazaron púxalas. A aprobación do plan especial en xuño e a due diligence -estudo da calidade dos activos- realizada sobre o proxecto deu un resultado positivo, o que incrementou as posibilidades de éxito e deuse por feito que a operación callaría. A promotora ata estimou que a final de ano poderían comezar as obras de demolición das edificacións do barrio, o primeiro paso para construír a urbanización, que estaría terminada en 2019 segundo ese calendario.

Pero a opción rusa desinflouse posteriormente ao non chegar o grupo a un acordo cos bancos para saldar a débeda. O fondo inversor, que chegou a abrir unha oficina en Vigo, tiña un acordo de exclusividade coa promotora que venceu en setembro, e a partir dese momento buscáronse novos socios, aínda que segue sen descartarse a incorporación do grupo ruso. Crespo negocia con promotores españois, e tamén o exfutbolista Míchel Salgado -que xunto ao anterior conta co 25% da participación na sociedade, mentres que o 75% está en mans de Karpin- explora a entrada de inversores. No caso de que non se alcance unha solución a propiedade activaría un “plan B” para salvar o proxecto de Barrio do Cura, unha alternativa que Crespo elude desvelar por agora.

A operación para transformar o ámbito, que abarca unha ampla extensión entre o Paseo de Alfonso e a Ribeira do Berbés, arrincou fai xa máis de doce anos, cando Karpin comprou a maior parte das propiedades do barrio. A lenta tramitación urbanística e os problemas de financiamento derivados dos atrasos na aprobación do planeamento deixaron o proxecto ao bordo do abismo. En 2010 retomouse tras aportar créditos por 30 millóns os dous bancos agora acredores. Con todo, ata mediados do ano pasado non se aprobou definitivamente o plan especial. Previamente o Concello e a promotora asinaran un protocolo de colaboración para tratar de desbloquear o desenvolvemento do ámbito, un dos considerados estratéxicos no Plan Xeral.

O proxecto, deseñado polo arquitecto Alfonso Penela, distribúe as vivendas (un 29% delas en réxime de protección) en bloques de ata sete plantas. Ademais, o mirador do Paseo de Alfonso duplicaría a súa lonxitude e desembocaría nunha gran praza. Debaixo construiríase un centro comercial de 12.000 metros cadrados. A operación xeraría tamén un parque de 5.000 m2 e unha conexión peonil máis fluída desde O Berbés ata a contorna de Pi e Margall. Ademais abriríase un vial entre Torrecedeira e Poboadores e instalaríanse elevadores para facilitar a subida pola forte pendente do barrio.

A Dirección Xeral de Patrimonio impuxo entre as súas condicións para dar a autorización ao proxecto que se conserve in situ a fachada da igrexa do antigo asilo polo seu valor histórico. O resto deste edificio sería demolido e no seu lugar levantaríase un bloque residencial.

Fonte: http://www.farodevigo.es/gran-vigo/2015/02/16/promotora-barrio-do-cura-logra/1185203.html